مفيش فايدة: تهيس

Showing posts with label تهيس. Show all posts

October 15, 2009

October 12, 2009

لغز كابل الأنترنت

فاصل مش إعلاني.. مسابقة حل لغز كابل الأنترنت

August 10, 2009

هتلر يرفض تحديد الدونلود فى مصر

August 5, 2009

المصيف فى الصين

زحام شديد من المصيفين الصينيين على شاطيء مصيف داليان يوم 2 أغسطس في مشهد نادر
ربما لا يمكن العثور عليه إلا في الصين وحدها - رويترز

May 24, 2009

سلك المكواه

السلك اللى فرقع واتحرق

الحكاية بكل بساطة ان سلك المكواه اتحرق

و لتكرار حوادث سلك المكواه الموضوع بقى عادى فى البيت عندنا

فنشترى سلك تانى و اغير السلك اللى اتحرق بسلك تانى جديد

حد يسألنى هو ليه السلك بيتحرق وليه اتعودنا على كدة

ده علشان السلك صناعة صينية و مضروب طبعاً

زى معظم البضائع الصينية اللى بتدخل مصر ده لأن مصر مفهاش رقابة على البضائع

مش اقصد مفهاش جهاز للرقابة على الصادرات و الواردات

اقصد ان مفيش رقابة فعلية علشان كدة كترت حوادث الحريق بالمنازل والمصانع

!و بعد كدة يكون سبب الحريق .. ماس كهربى

فكرت اشترى سلك تانى غير الصينى المضروب ده

و كان رد البائع .. ده احسن حاجة فى السوق

!!السلك الصينى المضروب بقى احسن حاجة فى السوق

:-s انا فخور انى عايش فى مصر

السلك الجديد الصينى المضروب .. اللى هيفرقع و يتحرق ان شاء الله

السلك الصينى المضروب اللى فرقع واتحرق

April 13, 2009

شاهدت حلقة من برنامج العاشرة مساء و كان فى فقرة من البرنامج عن قانون يسمح بأذاعة تنفيذ الاعدام فى الجناه فى الاول كنت متحمس زى الناس اللى اتصلت و بقول : ايوة يتنقل تنفيذ الاعدام على الهوا بس لما فكرت شوية و اختليت بشيطانى تغير راى تماماً و اليكم ناتج الخلوة مع شيطانى

اولاً : تنفيذ حكم الأعدام فى ميدان عام
فكرة غلط جدا جدا لأن مصر دلوقتى فيها انفلات امنى كبير اوى و السلاح بقى فى ايد الجميع اذا مكنش سلاح نارى فيكون سلاح ابيض
و طبعاً وزارة الداخلية هتجيب تأمين للميدان اللى هيتنفذ فيه حكم الأعدام ازاى
لما فى قوة بتفرق مظاهرة و قوة محاصرة اعتصام و قوة بتحجم وقفة احتجاجية
و غير خافى على الجميع ان وزارة الداخلية بتهتم بالأمن السياسى على حساب الأمن الأجتماعى
يبقى ممكن عملية تنفيذ الاعدام فى ميدان عام تتقلب لحرب اهلية
او صدمات بين اهل الجانى اللى مصدقين انه برئ و القوة اللى بتحرس مكان التنفيذ
و ضرب نار بقى و ضحايا و مش هنخلص
.فالأحسن ان الأعدام ميكونش فى ميدان عام لأننا فى مصر مش فى ايران

ثانياً : تنفيذ حكم الأعدام على الهواء مباشراً
خد عندك بقى
هيحصل مشكلة بين القنوات على مين ياخد البث الحصرى لتنفيذ عقوبة الاعدام
ART و القنوات ترفع قضايا على بعض و فى الاخر الـ
هى اللى هتشترى حق البث و تلاقى الاعلان
ART اتمتع بأعدام المصريين حصرياً مع باقة قنوات
و هتذيع على قنوات
ايه ار تى اعدام 1
و ايه ار تى اعدام 2
و الفواصل بقى هتكون
بيبسى راعى الجانى الأول
كوكاكولا راعى اهل الجانى الأول
فودافون راعى الجانى التانى
موبينيل راعى الجانى التالت
اتصالات راعى عشماوى

اعتقد ان الرادع هو تنفيذ القانون .. مش ابتداع قوانين-
التنمية و ايجاد فرص عمل للشباب و شغل الشباب بأشياء اهم من الحفلات و مباريات الكرة-
اصلاح التعليم و عودة الأخلاق و العدالة و الديموقراطية .. هتجيب نتيجة اكتر من أذاعة الاعدام على الهواء .. مباشراً-