صور لغضب الركاب المصريين وإقتحامهم ساحة مطار الملك عبد العزيز

حالة من الارتباك والفوضى والتكدس والمشاحنات شهدها مطار الملك عبد العزيز الدولي بجدة ، خاصةً صالة الحجاج :

- وصول ركاب معتمرين مصريين لوطنهم وتخلف حقائبهم في جدة ؟؟

- تأخير رحلات لساعات طويلة إحداهما تجاوزت 12 ساعة ؟؟

- إلغاء رحلات أخرى ؟؟

- تكدس وإفتراش المعتمرين في الصالات ؟؟

-الكثير من الرحلات تم تأخيرها وإلغائها سواءاً لمصر أو الجزائر أو غيرها

إلى كارهي مصر: مصر مش مبارك

بعد اللغط اللي بنسمعه بقالنا يجي سنتين عن مصر و دور مصر و الجدار الفولاذي اللى تحت الارض و تجويع غزة و قفل الباب على بيزنيس الانفاق و المشاركة فى حصار اسرائيل لغزة.. أسئل كل من يكرهون مصر و يكرهون الشعب المصري ما ذنبنا نحن؟

هل نحن المصريين لدينا نظام ديموقراطي يحكم البلاد لا يأخذ اى قرار الا بالرجوع للشعب؟

هل نحن المصريين لدينا حق التصويت فى استفتاء على اي قرار تأخذه الحكومة والحاكم كما حدث فى سويسرا بشأن حظر بناء المأذن؟

لماذا تكرهون مصر؟

لماذا تكرهون الشعب المصري؟

مراقب الفيفا و معاه أسلحة بيضاء

مراقب الفيفا يحمل أسلحة بيضاء كانت بحوذة المشجعين الجزائريين

التاريخ الأسود لمشجعي الجزائر

تقرير من اعداد – هيثم نبيل:
هذا التقرير لا يتعلق بما حدث في مباراة مصر والجزائر الأخيرة التي احتضنتها السودان، ولكنه يتعلق بسلوك مشجعي الجزائر وما تسببوا به من أضرار لبلادهم وللبلاد التي تواجدوا فيها لكي يتعرف المسئولين عن الرياضة في العالم مدى خطورة تواجد الجماهير الجزائرية أو "الهوليجانز" الجزائري في أي بطولة مهما كانت أهميتها أو مكان إقامتها، فهؤلاء يجري التعصب الشديد في ويمثل وجودهم في أي مكان خطورة تجعل الأمور تتصاعد لتصل إلى ما يشبه المعركة حربية مع أي فرد أمن أو أي شخص من جماهير الفريق المنافس .

وهذا الملف الذي نفتحه المقصود منه هو تقديم رسالة واضحة للفيفا والمسئولين عن مسابقات الرياضات الأخرى بأن يتخذوا قراراً ضد هؤلاء الذين يدمرون كافة معاني الرياضة.
أضغط هنا لقراءة التقرير

قائمة المخطئين فى حق مصر و الجزائر

من مصر:

1. عمرو أديب و خالد الغندور و مصطفى عبده و مدحت شلبى

ينسب اليهم تصريحات عدائية اتجاه شعب الجزائر

2. رئيس الأتحاد المصري لكرة القدم.. بصفته

أختيار السودان بدون ترتيب او تنظيم

3. وزير الأعلام المصري.. بصفته

تقصير فى قيادة الاعلام اثناء وجود الفريق الجزائرى بالقاهرة

4. وزير الداخلية المصري.. بصفته

تقصير فى حادث اتوبيس الفريق الجزائري

5. وزير الخارجية المصري.. بصفته

تقصير فى الرد على أدعائات المسؤولين الجزائريين

6. مدير المخابرات المصرية.. بصفته

تقصير فى عدم رصد التخطيط للأعتداء

7. السفير المصري بالسودان..بصفته

علم بوجود تحركات عدائية ضد المصريين ولم يتحرك

من الجزائر:

1. الصحافة الجزائرية

الشروق, الهداف, الفجر.. ألخ

2. رئيس أتحاد الكرة الجزائرى.. بصفته و شخصه

ساعد فى تأجيج الفتنة و أشار بحركات غير لائقة فى مبارة السودان

3. سفير الجزائر بالقاهرة.. بصفته

تصريحاته المزدوجة, يصرح فى القاهرة بعدم وجود قتلى جزائريين و يصرح فى الجزائر بوجود قتلى جزائريين

4. الحكومة الجزائرية و جهاز المخابرات الجزائري

الأعداد و التخطيط للأعتداء على المشجعين المصريين بالسودان

5. شقيق الرئيس بوتفليقة

دعم خطة الاعتداء على المصريين للأستحواذ على رضاء الشعب الجزائري

ملحوظة: القائمة يمكن الأضافة عليها

الأرهاب الجزائرى

Algerian terrorism assistance of Algerian President

Algerian terrorism against the Egyptians in Sudan

بعد أنتهاء المبارة بين مصر والجزائر فى السودان ، قام المشجعين الجزائريين الذين قامت الدولة الجزائرية بأرسالهم على طائرات الجيش الجزائرى و الذى تأكد معلومات أنهم أفراد خارجين على القانون بالجزائر و تم الأفراج عنهم للذهاب الى السودان و القيام بأعمال أرهابية ضد المصريين بأستخدام الاسلحة و ترويع المشجعين المصريين، اضافة الى ذلك الأعتداء على المصريين فى الجزائر

Algerian fans dancing in their hands-lethal weapons in Sudan

After the end of match between Egypt and Algeria in Sudan, the Algerian fans who have been sending them to the Algerian State Algerian military aircraft and make sure that information they are members of outlaws in Algeria, were released to go to Sudan and carry out terrorist acts against the Egyptians use of weapons and intimidation of Egyptian fans, as well To assault the Egyptians in Algeria.

A young Algerian brought threats of attack and murder to fans of the Egyptians in Sudan

Algerian girl do movements sexually humiliating against the Egyptians fans in Cairo Stadium

الشروق تتاجر بشعب الجزائر

 هذا هو السبب وراء أدعاء الشروق الكذب

جريدة يقتل بنى وطنها فى مصر على حد زعمها يكون شغلها الشاغل هو أنها حققت سابقة فى تاريخ الصحافة الجزائرية و العربية بتوزيع مليون ونص المليون نسخة يومياً بعد أن كانت توزع 300 الف نسخة يومياً - أما و أن اتضحت نوايا هذه الجريدة الخبيثة هل يظل الأخوة الجزائريين لها مصدقين؟

 http://www.echoroukonline.com/ara/

!بلد العاهرات

مش لاقى سبب لكمية الشتائم بين المصريين و الجزائريين على اليوتيوب و باقى المواقع.. اعتقد ان اى جزائرى عاقل و بيفهم عارف مصر عملت قد ايه علشان الجزائر و مساهمة مصر فى الثورة الجزائرية (ثورة المليون شهيد) واضحة وضوح الشمس و واضح لكل جزائرى ايضاً أن مصر مش بلد العاهرات ولا بلد الراقصات الا اذا كانت الجزائر مفهاش ولا عاهرة و ولا راقصة يبقى الموضوع فيه كلام تانى, عيب اوى اللى بيحصل ده عيب على المصريين قبل الجزائريين و انتم ولا احنا فى كاس العالم مش هتفرق كتير احنا الاتنين هنطلع من الدور الاول, رفقاً بأنفسكم و بنا الأقصى يحتاج منكم هذه الحمية و هذا الحماس

وقع لاقالة محمود عباس ابو مازن

اضغط على الصورة ووقع لاقالة محمود عباس

منقول من عند نوارا نجم

الأتوبيس فى الجامع

اكيد استغربت لما قريت العنوان و قولت ايه الهبل ده.. متخافش مش هزعل منك لأنك هتعذرنى لما تعرف انا بكلم عن ايه , الموضوع هو انى كنت راكب المينى باص بعد الفطار رايح الكورس يعنى على الساعة سابعة ونص كدة , ربنا رزقنى بشاب انا مش هوصفه علشان النميمة والغيبة وكدة و انا بكتب اثناء الصيام.. المهم الشاب ده معاه موبايل معرفش اذا كان من الموبايلات الصينى اللى صوتها فظيع ولا لا , المهم الشاب مشغل اغانى و معلى الصوت و كأنه فى فرح مش فى وسيلة نقل المفروض انها عامة لأنها بيركبها كل الناس , شوية و آذان العشاء آذن فقفل الشاب الأغانى و بعد ما خلص الآذان راح مشغل تانى و طبعاً بنفس علو الصوت , ده اول موقف

تانى موقف و انا راجع فى نفس اليوم.. ركبت المينى باص المزدحم كالعادة , مينى باص خالى من الأكسجين , مفيش حد طايق اللى جنبه من الحر واذا بى اسمع قرآن اشتغل, واحد مشغله على الموبايل بتاعه و طبعاً معلى الصوت جداً, سمعت صوت طفل بيقول لوالده معلقاً على صوت القرآن : هو الاتوبيس ده يا بابا فى الجامع؟ نطق بها الطفل مما اثار دهشتى و استدعى ابتسامى  , لكن الطفل قالها بعفوية لأنه يعلم ان القرآن اللى بيكون عالى بيشغل فى المسجد اثناء الصلاة.. مش فى المينى باص!!!

:وبعد دقائق جاء فى الأيات

ذَلِكَ عيسَى ابْنُ مَرْيَمَ قَوْلَ الْحَقِّ الَّذِي فِيهِ يَمْتَرُونَ (34) مَا كَانَ لِلَّهِ أَنْ يَتَّخِذَ مِنْ وَلَدٍ سُبْحَانَهُ إِذَا قَضَى أَمْرًا فَإِنَّمَا يَقُولُ لَهُ كُنْ فَيَكُونُ (35) وَإِنَّ اللَّه رَبِّي وَرَبُّكُمْ فَاعْبُدُوهُ هَذَا صِرَاطٌ مُسْتَقِيمٌ (36) فَاخْتَلَفَ الْأَحْزَابُ مِنْ بَيْنِهِمِْ فَوَيْلٌ لِلَّذِينَ كَفَرُوا مِنْ مَشْهَدِ يَوْمٍ عَظِيمٍ (37) - سورة مريم

 طبعاً اى مواطن مسيحى كان راكب معانا فى المينى باص و سمع الأيات دى هيتضايق لأنه عكس عقيدته و عكس ما يؤمن بيه و دى نقطة خلافية بين الديانة المسيحية و الدين الأسلامى و من حق المواطن المصرى انه يركب المواصلات بدون ما يجبر على سماع القرآن و خاصاً الأيات اللى بتخالف عقيدته يعنى المسلم مش هيضايق لو راكب مينى باص و شاب مسيحى شغل ترانيم و على الصوت و سمع الكل غصب عنهم.. مفكرناش مرة ليه مفيش مسيحى عمل كدة؟!


هتقولى لأنه معروف عن المسيحين انهم يميلون الى السلم او كما قال نجيب ساويرس رجل الاعمال المسيحى فى لقائه مع ابراهيم عيسى ان المسيحين جبناء و بيخافوا طب اذا كان هما مش بيعملوا كدة علشان جبنا و بيخافوا طب الشاب او الراجل المسلم اللى بيشغل قرآن بصوت عالى فتوة يعنى و بطل و شجاع!

الموضوع كله.. أحترام , الأحترام هو اللى يخلينى احترم مشاعر اللى حواليا اذا كنت عايز اسمع اغانى ففى غيرى مش عايز يسمع , اذا كنت عايز اسمع قرآن ففى غيرى مش عايز يسمع , اذا كنت فايق و رايق و عايز اسمع ففى غيرى تعبان وطالع عينه فى الشغل ونفسه فى شوية هدوء نسبى بعد يوم شغل

لازم نحترم اللى حوالينا من غير قوانين , لازم نحافظ على مشاعر الناس بدون غرامة , مش لازم الحقوق كلها تتاخد بالقوانين , لازم يبقى فيه شوية اخلاق شوية ذوق.. و أخيراً إنى داعاً فأمنوا : اللهم دمر اجهزة المحمول الصينى التى تزعجنا فى المواصلات و اللهم اهدى من يحملوها و خليهم يشتروا هاند فرى
:D

الجنس الفموي و العلمانية

الجنس الفموي يسبب سرطان الحنجرة وتحذير من تفشي وباء

تعليقى:
هما علماء الغرب اللى بيعملوا الابحاث دى.. مسلمين؟
ازاى الناس المتخلفة اللى بيقولوا على نفسهم علمانين لما بيقروا الكلام ده مش بيفهموا انهم غلط؟
سبحان الله كل حاجة حرمها ربنا و كل حاجة عكس فطرة الانسان اللى ربنا خلقه عليها بتجيب امراض و مصايب و اللى بيقول كدة علماء غرب مش مسلمين
ربنا يهدى كل من يطلقون على انفسهم علمانين

وباء منى زكى

!..هو انا كل لما اتفرج على برنامج الاقى فيه منى زكى

!هى خدت جائزة الدولة التقديرية ولا جائزة نوبل

طب هى بقت وزيرة ولا سفيرة ولا اميرة؟

طب هى اخترعت حاجة او اكتشفت حاجة او حتى شرفت مصر فى محفل

من المحافل الدولية - مش بيقولوها كدة - طب هى حلت ازمة المرور؟

عرفت مين اللى بيدخل مصر قمح فاسد؟

واحد بيجاوبنى: منى زكى عملت فيلم جديد اسمه احكى يا شهرذاد يا عم الحاج

!ارد عليه واقوله: فيلم

حضانة الشعب

البرلمان فى اى دولة ليه وظائف معينة اتخلق علشانها و الوظائف دى هى تشريع القوانين ومحاسبة الحكومة اما البرلمان اللى بيكون عامل زى المسرح اللى لا بيشرع ولا بيحاسب مش المفروض نقول عليه.. برلمان البرلمان المصرى - مجازاً نقول برلمان - حصل فيه كتير من الاحداث اللى تؤكد على انه مش برلمان ممكن يكون حاجة تانية غير انه برلمان.. ففى واقعة أزأزة اللب و التسالى و اللى كان بطلها رئيس الوزراء و عدد من الوزراء ممكن نعتبر ان البرلمان المصرى وقتها كان مسرح او سينما لكن استحالة ده يكون مكان للمحاسبة و لتشريع القوانين و مناقشة احوال البلد.. وضرب لنا النواب مثلاً ونسى ان اسمه مجلس الشعب

الواقعة التانية لما نائب قلع لاموخذة جذمته و رفعها فى وش النواب و بعد كدة لما سؤالوه قال انا كنت برفعها فى وش اسرائيل !! طب هى فين اسرائيل يعم الحاج اللى فى البرلمان الواقعة التالتة و اللى حدثت من كام يوم كدة لما رد النائب علاء عبد المنعم على وصف نائب من الحزب الوطنى له انه بيتمايل كالمرأة اللعوب و قال النائب علاء عبد المنعم ان الكلام ده لا يصدر الأ من عاهرة ولما طلع النائب علاء عبد المنعم فى المحور قال انه مرة كان حاطط شنطته و حاجز بيها مكان فجه نائب الوطنى و رمى الشنطة على الارض وقعد مكانها و الواقعة الرابعة نائبين واحد قال لتانى اللى بتعمله ده سفالة رد التانى عليه قاله و اللى بتعمله ده قلة ادب تخيلوا بقى ان ده بيحصل فى برلمان يعنى لو مكتبتش انه حصل فى برلمان ممكن تفكر ان دى خناقة اطفال فى حضانة.. فهل اصبح مجلس الشعب.. حضانة الشعب ام ان نواب المجلس لا يجدوا مشاكل ولا قوانين و قاعدين فاضين يا عينى علشان كدة بيجروا شكل بعض؟

فيديو واقعة " العاهرة " بطولة النائب علاء عبد المنعم

فكرت شوية فى الموضوع و لقيت ان نواب الحزب الوطنى سايقين الهبل على الشيطانة فى مجلس الشعب و كأنهم واخدين ضوء أخضر بقلة الأدب اللى بيعملوها دى.. و اللى بتدفع نواب المعارضة لأخذ حقهم بلسانهم او بدراعهم لأن مفيش نائب حزب وطنى بيتحاسب او بيتحول للجنة القيم المسؤلة عن محاسبة النواب عند خروجهم عن اعراف وتقاليد المجتمع و الأخلاق و المثل و لا اخفى اعجابى بذكاء النائب علاء عبد المنعم الذى استطاع ان يأخذ حقه تالت ومتلت و لكنى أفضل ان يكون البرلمان او المجلس مجلس شعب بحق.. لا حضانة

ملحوظة: انا مضايق جدا من الراجل اللى اسمه عبد الرحيم الغول ده و فى نائب تانى كدة مش بطيقهم و المصيبة انى كنت بتفرج على فيديو جلسة رفع الحصانة عن دكتور ايمن نور ولقيته بيتعصب و بيقاطع دكتور نور

فى وجوه فى مجلس الشعب المصرى عايزة تتعدم زى الخنازير اللى اتعدمت فى مصر

Related Links

• انتهاء أزمة (المرأة اللعوب) و(العاهرة) بالاعتذار المتبادل
  
• فيديو: عمرو اديب و الناظر و التلامذة

التربيـة و التكريـم

درع التميز لساندى من جامعة عين شمس
كرمت كلية التربية جامعة عين شمس مؤخرا، الفنانة الشابة ساندى ومنحتها شهادة تقدير ودرع التميز عن دورها فى مسلسل "دموع القمر" الذى عرض فى رمضان الماضى، وذلك فى إطار احتفال الكلية بيوم اليتيم، حيث ألقى الضيوف كلمتهم بخصوص هذا اليوم، بالإضافة إلى فتح باب الحوار بين طلبة الكلية وبينهم حول أعمالهم السابقة والقادمة.

تعليقى :
هى جامعة عين شمس بتكرم ممثلين و مطربين على اساس انها مؤسسة للسينما و الموسيقى
و لا على اساس انها مؤسسة تعليمية .. طب المؤسسة التعليمية مش تكرم علماء او مفكرين او اساتذة
و كمان كلية التربية اللى بتكرم ساندى .. كلية التربية التربية التربية
و بعدين ايه هى القيمة الفنية لممثلة زى ساندى
مصر استفادت ايه من ساندى .. التعليم استفاد ايه من ساندى
درع التميز ده علشان تميزها فى بحث علمى اتكلم عنه العالم كله ولا عن دور فى مسلسل؟!
سؤال جانبى كدة .. هى جامعة عين شمس كرمت دكتور احمد زويل او دكتور مصطفى السيد او حتى المؤلف علاء الأسوانى؟

الله يحرق دمكم

وكمْ ذا بمصر من المُضْحِكات .. ولكنه ضحك كالبكا" - المتنبى"

تحديث:
الطالبة اشتكت للمدير تحرش الشباب بها.. فقال لها معذورين

قرر أسامة النادى مدير عام إدارة زفتى التعليمية بمحافظة الغربية بإشراف محمد قاسم جعفر وكيل وزارة التربية والتعليم بالمحافظة نقل محمود الألفى مدير مدرسة الشهيد أحمد سيف الإسلام بشتى الإعدادية بسبب قيامة بالتلفظ بألفاظ خادشة للحياء العام لإحدى طالبات المدرسة عندما اشتكت له من تحرش عدد من الشباب بها داخل المدرسة.
وتبين للجنة أن المدرسة بدون سور خارجى مما يسهل دخول الشباب للمدرسة، واعتياد مجموعة من البلطجية الدخول للمدرسة فى أى وقت

تعليقى:
مدرسة بنات من غير سور .. صدق او لا تصدق
لو انت قاعد فى مدرجات الدرجة التالتة .. هتصدق
لو انت قاعد فى مدرجات الدرجة التانية .. هتستغرب
لو انت قاعد فى المقصورة جنب وزير التعليم ابو لاب توب .. مش هتصدق
يعنى وجعين دماغنا بتطوير التعليم وجودة التعليم و بناء مدارس جديدة
و مدرستى نظيفة جميلة متطورة!
دا المدرسة من غير سور يا كافرا
طب مستنين ايه من المدير غير انه يغلط البنت!
هو هيقدر يعمل حاجة للبلطجية اللى احتلوا المدرسة
و على راى سمير غانم .. الكورة فيييييييييين؟!
السور فين يا معالى وزير التخريب .. بلاب توب بتاعك ده
مع احترامى لجريدة الشروق .. المدير مش غلطان و لا البنت غلطانة و لا البلطجية غلطانين
الغلط على المدرسة اللى من غير سور .. يا ترى السور راح فين؟
اتصل من مصر على وزير التخريب
و اتصل من سوريا على عم محمد البقال
و ابقوا قبلونى الحلقة الجاية!

ــــــــــــــــــــــ....................................ــــــــــــــــــــــ

:بعد قضائه ثلاث أرباع المدة

الإفراج عن الضابط المتهم فى قضية عماد الكبير

قام قطاع مصلحة السجون بوزارة الداخلية، بالإفراج عن نقيب الشرطة إسلام نبيه
الضابط الذى كان يقضى عقوبة الحبس لمدة ثلاث سنوات فى قضية تعذيب عماد الكبير الشهيرة بعد قضائه ثلاث أرباع المدة

تعليقى:
ظابط هتك عرض و تعدى بالضرب و احتجز مواطن و عذبه و صوره
و قام بتوزع اسطونات مخلة بالأداب العامة
يطلع بثلاث ارباع المدة؟! و كمان يكمل فى الخدمة؟!
و فى اسيوط كمان يعنى رجالة اسيوط تخلى بالها من نفسها
علشان الداخلية متقدرش تستغنى عن ظابط متحرش شاذ
و للعلم جريمة التعذيب جريمة غير مخلة بالشرف فى مصر!
يعنى ايمن نور اللى المفروض انه مزور ورق جريمته مخلة بالشرف
اما اسلام نبيه اللى هتك عرض و تعدى بالضرب و احتجز مواطن و عذبه و صوره
و قام بتوزع اسطونات على موقف الميكروباص
جريمته غير مخلة بالشرف و يحق له الأستمرار فى عمله وممكن كمان يبقى وزير الداخلية ..
مين عارف؟!
طب و عبود الزمر اللى اتحكم عليه بالسجن
في قضيتي اغتيال السادات (25 عاما) وتنظيم الجهاد (15 عاما)
و انتهت مدة عقوبته في 2001 و احنا فى 2009 و هو لسة مسجون ..
مخرجش ليه بثلث ارباع المدة زى سمسم؟!
حد يقولى اصل سمسم نقيب شرطه ..
هرد عليه واقوله طب ما عبود الزمر كان مقدم في الاستخبارات الحربية
و اتسجن علشان كان عارف .. عارف بس بعملية اغتيال السادات قبل حدوثها و لم يبلغ؟!
أكيد النظام الحاكم فى مصر اتبرع بدمه لضحايا غزة .. علشان الواضح انهم معندهمش دم

ــــــــــــــــــــــ....................................ــــــــــــــــــــــ

وصفه بأنه "أشرف" من الإخوان..
مفيد فوزى لـ"90 دقيقة": جمال مبارك رئيس مصر القادم

أدلى الإعلامى مفيد فوزى أمس، الأربعاء، بتصريحات ساخنة فى برنامج 90 دقيقة، ردا على سؤال معتز الدمرداش عن ترشيح جمال مبارك بعد والده، قال فيها
"جمال مبارك هو رئيس مصر القادم وهو أشرف بكثير من الإخوان وإن أعطانى الله عمرا سأنتخبه"

تعليقى:
وحياة أمك؟!
مين ده اللى اشرف من الأخوان؟!
ولى العهد اللى حاشيته متتخيرش عن حاشية ابوه
دا اصحابه نجوم صفحة الحوادث خد عندك
1 - محتكر حديد ( بيت العز يا بيتنا )
2 - تاجر مصانع و شركات قطاع عام ( بيسمع محمد "محى" )
3 - متهم محرض على القتل ( جريمتى .. جريمة مصرية على ارض عربية )
4 - مهرب فياجرا فى بودرة السراميك ( سيراميكا فياجرا )
هما دول حاشيتة ولى العهد اللى مش هننتخبه و هيجى غصب و اقتدار؟!
لا جمال ولا اخوان .. البلد دى بتعتنا احنا و اللى هيجى غصب عننا هنولع فيه و فى اللى جابوه
و زى ما نوارة نجم كانت بتقول : أنا مش عايزة جمال مبارك
أنا كمان مش عايز جمال مبارك .. أنا عايز واحد ماجنم كومبو لارج و عصير بدل الغازية

Related articles

• التعذيب .. جريمة مخلة بالشرف - بقلم: نبيل ذكي

الفيديو كليب السياسى

لم يكن من المتصور ان يتأثر بموجة الفيديو كليبات الراقصة
كبار القوم بل رؤساء دول و رؤساء مجالس ادارة
و لكن ده هو اللى حصل
الرئيس عمر البشير رئيس دولة السودان المطارد
يواجه قرار من المحكمة الجنائية الدولية بالرقص
و كأنه ليس رئيس جمهورية و كأنه نسى بل من الواضح انه نسى
الرئيس عمر البشير ظن نفسه دينا الرقاصة او بوسى سمير
و كل يوم تجمع من الشعب السودانى و هو يديها رقص
مرة بالعصايا و مرة بزى سودانى افريقى
و كأن الرقص هو اللى هيحل المشكلة
و كأن الغرب بيتغاظ من رقص البشير
اللى فاكر انه كدة بيغظهم
كثير من المحللين انتقد رقص البشير عمال على بطال
و ذكرنا رقص البشير بالعصا برقص صدام حسين بالبندقية
و لكن اين صدام الآن و اين بندقيته
ارجوا الا اسأل عن البشير و عصاه بعد سنة سنتين من الآن
.....


مرسى عطاالله رئيس مجلس ادارة مؤسسة الأهرام
صار على نهج الفيديو كليبات و الأغانى
و ظهرت أغنية تمجده و تعظمه و كأن اصدارات الأهرام رجعت لعصره القديم
و كأن الأهرام لا يخسر يوميا الألاف بل ملايين الجنيهات لتراجع بيع الأصدارات
و ان يلجأ رئيس مجلس مؤسسة حكومية اللى الأغانى لدعاية له و لرفع شعبيته
بدلأ من ان يستخدم قلمه او قراراته الجادة
فهذا هو الأنحطاط بعينه

Related articles

• السودان لا البشير
  
• حرب أهلية فى «الأهرام» فجرتها قرارات مجلس الإدارة
• "سلامة" يتخلى عن "الأهرام" ويتمسك بـ"الشروق"

مش عادل و مش امام

تحديث تانى: عادل امام طلع تانى على قناة المحور فى برنامج 90 دقيقة و كان معاه نائب من الاخوان و عادل امام كرر لتالت مرة انه كان تحت رجلين جمال عبد الناصر فى جامع الازهر ايام العدوان الثلاثى 1956 و ان عبد الناصر كان لابس لبس الحرب و كان بيقول سنقاتل سنقاتل سنقاتل.
حد يقوله يحفظ كلمتين جداد مش معقول يطلع 3 مرات على الهوا فى 3 ايام و يقول نفس الكلام بالحرف الواحد.
تحديث: الفنان الزعيم طلع على قناة المحور فى برنامج 90 دقيقة و قال نفس الكلام اللى قاله فى برنامج الحياه اليوم امبارح بالظبط
بس ضاف حاجات جديدة او استبدل كلمة الشيوخ بالشيخ القرضاوى و اضاف انه مع المقاومة لأن مفيش احتلال من غير مقاومة
و ان فى واحد من حماس طلع بيقول ان القصف وحشى وكدة وهو قاعد فى لندن..
طب ما حضرتك يا فنان بتقول رأيك فى اللى بيحصل فى غزة و بتقول انك خايف على مصر وانت فى فرنسا!!
مش عارف هو خد توكيل الاستفزاز من ابو الغيط و مبارك ولا ايه؟!


!هو مين عادل امام ده؟
هو ايه غير انه مهرج بيعمل شوية حركات تضحكنا هو بيعمل ايه فى افلامه غير بوس و غيره
و انتم ليه عملينه بطل ما يقول رايه زى اى كلب من الكلاب اللى بتهوهو و تطبل للنظام المصرى
لا و قال ايه طالع يقول الشيوخ اللى بيدعوا على اليهود..ميصحش الكلام ده
وان المسلم اللى على حق هو اللى ربنا بيستجيب دعائه طب وحضرتك يا مش عادل يا مش امام
مسلم على حق و ربنا بيستجيب دعائك؟ ربنا وفقك فى كل اعمالك انك تبوس وتحضن معظم الممثلات صح؟!
ربنا بيوفقك فى الاسفاف اللى بتقدمه لتخريب العقول ربنا بيوفقك فى الافلام الشهوانية اللى بتعملها
بلاش تدخل ربنا علشان انت اكتر واحد عارف ان ربنا ميرضهوش افلامك اذا كنت عملت فيلم عن الارهاب
فأنت مش بطل يعنى وعملت اللى محدش عمله و لو بجد انت تعنى حاجة للأرهابين غير انهم بيشتهروا على حسك
كان زمانهم قتلوك لكن لما يقتلوك يتشهروا على حس مين؟
انت وقناة الجزيرة واحد عند الأرهابين علشان كدة مقر الجزيرة متفجرش
و علشان نفس السبب انت متقتلتش مش عادل و مش امام مش حاجة علشان نلتفت لكلامه
اعتبروه كلب من باقى الكلاب اللى فى فيلا النظام المصرى و بعدين مش ده اللى نستنا نسمع رأيه يعنى
دا لا محمد حسنين هيكل ولا مجدى مهنا ولا ابرهيم عيسى ده مجرد ممثل بياخد فلوس علشان يضحك الناس غير كده
رايه يترمى فى اقرب صفيحة زبالة و هو اثبت انه لا عادل ولا امام
و اذا كان امام فهو امام المهرجين و المنافقين وانه يردد كلام مبارك بدون عقل
ده يدل على انه لا مثقف ولا حتى بيقرا جرايد و رأيه لا يشكل اى قيمة للناس اللى بتفكر
و انا بعتزر عن راى السابق بأن حماس هى اللى بدأت استفزاز اسرائيل
لأنى كنت متبنى راى سطحى و ثبت ليا انه مش الرأى الصح لما استمعت لكلام احد المتحدثين بأسم حركة حماس
لقيت ان كلامه صح وان الحصار هو حرب وان لا يصح هدنة مع تجويع و ظلمة و حصار
ربنا يرحمنا من الاشكال اللى زى عادل امام ده
و ربنا يثبت المجاهدين فى غزة

• "عادل امام مع يسرا فى فيلم "ببوس
• " فنانو الاردن ينتقدون تصريحات عادل امام و يصفونها بـ " المغرضة
  
• حقيقة عادل امام
• مطالب بمقاطعة عادل امام لموقفه من المقاومة

طب ده لا محتاج معبر رفح يتفتح ولا يتقفل

أضغط على الصورة لرؤية اوضح

هو الفيس بوك مفهوش عرب و مسلمين غير الـ15,016 !!دول ولا ايه؟

أضغط على الصورة لرؤية اوضح

عيييييييييييب عليكم بجد
جروب طالعله 3 جروبات علشان يتمسح لا و بأضعاف عدد الاعضاء بالجروب الاصلى
عرفتم ليه ادارة فيس بوك مسحت صفحة ابو تريكة؟
احنا بنقد قدام الفيس بوك وعلى النت اكتر من اى حاجة تانية و فى الاخر تبقى دى النتيجة؟
ليهم حق يقتلوا فينا و الدور هيجى علينا طول ما احنا ملناش هدف عايشين علشانه
طول ما النت عندنا تظبيت بنات و سكس و اغانى و افلام
عايزين تروحوا تحاربوا و الحكومات منعاكم..اوكيه
عايزين تبعتوا تبرعات و مش معاكم فلوس..اوكيه
مبارك عميل و خاين وابن كلب..اوكيه
فين انتم طيب؟
هنقضى الحياه مظاهرات و عياط و نسمع اغنية تامر؟
على الاقل خالص يبقى ليكم صوت مسموع عندكم جهاز كمبيوتر و انترنت فائق السرعة..المفروض يعنى
عندكم اكونت على الفيس بوك قولوا كلمتكم عبروا عن رايكم اشتركوا فى جروب بينصر الحق
لكن بعد الكلام والشتايم اللى شتمناها لبعض
مصرى سعودى سورى لبنانى
و يبقى المنظر فى حاجة تافهة المفروض جروب على الفيس بوك و يبقى العرب والمسلمين شكلهم كدة
اخص و الف اخص
:D خسارة فينا النت فائق السرعة
الجروبات اللى هسيبها دى اللى عايز يشترك فيها يشترك اللى مش عايز
:D اياك اسمعه بيشتم مبارك

• Israel is not a country !
• Fuck Israel And Their Holocaust Bullshit
• How Many People Hate Israel ?
• I bet i can find 1.000.000 who dislike the state of " israel "
• Fuck Israel
• All Against Israel !!
• Marocains qui déstestent israel
• Its ''PALESTINE'' not ISRAEL

بلاش تشيلوا اسرائيل و تحطوا مصر

انا بقالى كذا يوم بصارع نفسى.. اكتب عن اللى بيحصل ده ولا لا

كل الناس بتكتب .. كله بيخون .. كله خايف على غزة .. كله عايز مصر تحارب
كله بيلخص اللى بيحصل فى غزة .. ان مصر هى المشكلة و المشكلة هى مصر
اختذلوا القضية كلها فى معبر
طب اذا اتفتح المعبر
اسرائيل هتوقف القصف؟
لما يكون المعبر مفتوح الصواريخ هتمتنع عن قتل الفلسطنين؟
ليفنى اعلنت الحرب على حماس من القاهرة
طب هو مين السبب فى ان ليفنى تعلن الحرب؟
مين اللى قال انا مش عايز تهدئة .. مش حماس؟
ليه عايزين مصر تتحمل خطأ حركة حماس مع الشعب الفلسطينى؟
اسئلة كتير لناس اللى بتفكر
انا كنت زى اى واحد بمشاعرى بقول مبارك خاين
الحكومة المصرية متواطئة مع اسرائيل
فكرت شوية .. سمعت تحليلات للموقف فى غزة .. قريت مقالات
سمعت و شوفت خطاب السيد حسن نصرالله
لقيت انى لازم افكر
اولا خطاب السيد حسن نصرالله
ايه ده؟
مش ده اللى اى واحد مصرى مستنيه من حزب الله
اى واحد مستنى قرار ان حزب الله هيقصف شمال اسرائيل بالصواريخ
لضغط على اسرائيل لوقف الحرب
لا السيد حسن نصرالله طالع يشحن العرب على النظام المصرى
طب يعنى هو الواحد يكون فى ايده بندقية و اخوه بيضرب و هو مش مقيد باى قيود
زى معاهدة سلام مثلا و يقول لأخوه التانى ادى اخونا اللى بيضرب اكل و معونات وافتح المعبر؟
كلام السيد حسن نصرالله للأسف جوابه الصواب ومش ده اللى كنا مستنينه منه
لأنه معملش بحديث الرسول صلى الله عليه وسلم
و هو لتقل خيراً او لتصمت
ثانياً الدول العربية الباقية اللى عايزة تبقشش من جيب مصر
اليمن : اقتحام السفارة المصرية ورفع علم فلسطين عليها
نسى الاخوة فى اليمن ان الجيش المصرى و شعب مصر
هما اللى خرجوا الاحتلال من اليمن
نسى الاخوة فى اليمن ان سبب من اسباب نكسة 67
هو ان الجيش المصرى كان فى اليمن
طلع الرئيس اليمنى يقول انا اسف و ان الفلسطنين هما اللى عملوا كدة
قطر و قناة الجزيرة : الحكومة القطرية ليها علاقات بأسرائيل
و من اقوى العلاقات العربية بأسرائيل هى دولة قطر
طب ليه مفيش ضغط منكم على اسرائيل؟ افراد الحكومة القطرية بيقضوا الاجازة فى اسرائيل ليه؟ ليفنى قامت بزيارة مقر قناة الجزيرة ليه؟ موفقين على قاعدة امريكية فى قطر ليه؟
باقى الدول العربية عريانين و عايزين يتغطوا بمصر
اللى فى ايده حاجة يعملها لغزة يعملها
مش مصر هى اللى هتشطف و تلبس بامبرز و تلبس هدوم كمان
الشعوب العربية اللى عايزة مصر تطرد السفير بتاع اسرائيل من مصر
ما يطالبوا حكمهم بنفس الطلب
الشعوب العربية اللى عايزة مصر تحارب
تقول لحكمها يحاربوا و احنا نحارب معاكم
لكن نحارب لوحدنا و نرجع قرن من الزمن لورا و تقفوا تتفرجوا علينا لا. اى عربى عنده كلمة عايز يقولها لمصر يروح يطالب بيها حكامه الاول
و لا هو خلاص بقى الحكام تستنكر و تدين و الشعوب تفترى على مصر؟
اسرائيل هى العدو
اسرائيل هى العدو
اسرائيل هى العدو
احرقوا سفارات اسرائيل فى بلادكم مش سفارات مصر
اسرائيل هى اللى بتضرب الشعب الفلسطينى مش مصر
اسرائيل اللى بتدبح مش مصر
شغلوا عقولكم و لو لمرة واحدة و بلاش تشيلوا اسرائيل و تحطوا مصر

الى الحكام العرب..استمتعوا بالخوازيق

الآن

تنهال علينا تعازيكم

وتمدون إلينا أياديكم

وهى ملطخة بدمانا

وملوثة بمصافحة من فتح علينا النيرانا

وتتقدمون إلينا بمراثيكم

فلكم جزيل الشكر

لا بارك الله فيكم

شكراً أيها الحكام

على حكمتكم

التى ما زادتنا إلا امتهانا

شكراً أيها الأعزاء

على عزتكم

التى ما زادتنا إلا هوانا

نشكركم ونرجوكم

ألا تكلفوا أنفسكم

بالإنتقاد والتنديد

والشجب والإدانة

فالله يعلم كم تجهدون أنفسكم

فى إدارة أراضيكم

ولا تكلفوا أنفسكم

بأن تقفوا حداداً ولو دقيقة واحدة

لكى لا تضيعوا على أنفسكم

لذة الإستمتاع

بالخوازيق

الموجودة فى كراسيكم