عايز أجووووز يا عالم

تعالوا متخفوش ..ده مش موضوع زي موضيع عايز اتعرف علي بنت للصداقة الجادة
- نروح ديسكو بس..هههههههه
ولا هقولكم انا علي وش جواز و عايز اختار بنت من الشبكة العنكابوتية..الحمدلله
-البنات اكتر من الهم علي القلب
بجد الموضوع اللي قررت أكتب فيه..هو يعتبر موضوع الساعة و الدقيقة و الثانية
صلي علي النبي في قلبك و أقرا وانت مفتح دماغك
-بلاش اعراض الفول تظهر عليك
لو أنت شاب و حبيت بنت و أنت في سنة أولي جامعة
-عملت زي يعني
و يوم لقيت البنت اللي بتحبها في يوم وانت معاها في الكلية
و قاعدين قاعدة رومنسية في الكافتريا
وفي وسط الكلام قلتلك عايزة اصارحك بموضوع
هو كان شاغلني فترة و مش لاقية حل ليه
و قولت اقولك علشان نشوف حل مع بعض
-زي ما حصل معايا بالظبط
قولتلها قولي يا حبيبتي..قلتلك الصراحة انا متقدملي عريس
-و غالباُ بيكون أبن عمها..مش بيتغير ديما ابن عمها
طبعاُ الصعقة هتنزل عليك..و تقول في دماغك زي ما انا قولت
- دا انا عرفك من شهرين بس
طبعاُ أنت هتبقي في سني..17 سنة..من المفروض تعمل زي ما انا عملت
و هو أنك تقول لها..أعملك ايه يعني يا حبيبتي..أجي اتقدم لولدك و أقوله
اسمي كذا و طالب في كلية كذا و باخد المصروف من بابا
و بعدين أصلاُ هو والدك هيرضي يقابل والدي
-ده فرض لو والدي مجنون و طاوعني و جه معايا
و المفروض انه يوافق علي عيل لسة مكملش تعليمه و ابوه بيصرف عليه
-عيل دي من وجهة نظر والدها..لكن انا الحمد لله راجل كامل الدسم
بس اللي ممكن كتير منكم ميعملوهوش..أنك عنيك تدمع بعد ما تسمع منها الكلام ده
-زي ما انا عملت..كنت بحبها
تخيل أول حب في حياتك..أول بنت تفتح لها قلبك و عقلك
و بعد شهرين تسمع منها الكلام ده..و كمان انت ما تملكش اي حاجة في الموضوع
-و كأن ابن عمها كان مستني لما اعرفها و أحبها ..علشان يتقدملها
و بعد كدة اللي ممكن يخليك تفقد الثقة..في البنت اللي بتحبها
أنها تقولك ابن عمي لا اتقدملي ولا حاجة..انا كنت بختبر ماشعرك نحيتي
-فار تجارب انا
و طبعاُ عرفت أني بحبها مووووووت....ولذلك قررت تبعد عني
ما علينا دلوقتي..سبونا من الذكرة المؤلمة دي..دلوقتي لو انت بتحب بنت
و هي (( هنفترض )) بتحبك و أنت خلصت كلية وخلاص
-كلية و أنت تتخن
و اتخرجت بتقدير الشعب ..اللي هو مقبوووووووول و هي مثلاً معاك في نفس كليتك
او في كلية تانية و هي فضلها سنتين تلاتة..علي حسب التساهيل فا المفروض
أنك تكون رجل اعمال في ظرف سنة سنتين تلاتة..بسهلها عليك اهوه
علشان تقدر تتجوز الأميرة اللي لسة في الجامعة و لو عملت زي واحد أعرفه
و قولت مش هشتغل غير بشهادتي
-علي اساس انك خارج من الجامعة بتقدير ..فظيع جدا و هو مقبوووووول
انت دلوقتي أتخرجت خلاص..(( الف مبروك))كل يوم تنزل
تشوف شغل يناسب البكالوريوس او الليسانس اللي تعبت فيها
علي مدار 6 او 7 او 8 سنين متواصلين في الكلية مش لاقي شغل
بالشهادة..او البكالويوس او الليسانس يعني..طب هتعمل ايه
هتقعد الاول فترة كدة في البيت..تفكر مع نفسكانا دخلت الجامعة ليه
مش كنت اشتغلت مع الواد حمادة مبلط السراميك..دا بياخد كتير اووي في المتر الواحد بس
و عنده عربية بي ام دبليو و مراته احلي بنت في المنطقة
و المناطق المجاورة هيجي في دماغك يوم كدة يعني هتجنن
و تقول لنفسك الحل اني انزل ميدان التحرير في نص الصنية
و اقول يا عالم عايز اشتغل بشاهدتي يا عالم علشان اجووووووووووزالناس
اللي هتكون في الميدان في الوقت ده هينقسموا نصين نص هيقول يا حرام
و تلقيه جي يديك في ايدك نص جنيه و النص التاني هيقول الشباب اتجنن
- الله يخرب بيت مبارك علي جيمي علي سوزان بس بصوت واطي طبعا..علشان الأخوة الأعداء
و في ظروف مصر الحالية..في ظل هامش الحرية و العبور للمستقبل
متخفاش عليكم الحالة اللي زي الزفت و ربنا هو اللي مشيها
من عنده واحد هيقترح عليك يقولك هات فلوس و اشغلك في شركة بترول
او المصرية للأتصالات او فودافون او موبنيل
-الشركات اللي فيها مرتبات تعيش بني أدمين انت تندهش و تقوله رشوة يقولك ليه بس بتاخد كلامي بنية سيئة
دي اسمها اكرامية للراجل اللي هيشغلك
-بيضحك علي نفسه و عليك
تقوله كام يعني يقولك خمسة ..عشرة..عشرين ألف علشان تتعين
في شركة قطاع خاص لكن لو ناوي تشتغل موظف حكومية يبقي
هتجوز مع بداية الالفية العاشرة و الموظف الحكومي هينقرض
اصلاًعلشان البلد بتتباع و البركة في مبارك
-ربنا يخليه لينا و يكبس علي نفسنا اكتر و اكتر
لو دفعت الرشوة هتشتغل مدفعتش مش هتشتغل و خليك جنب الوالدة
تقشر بصل..تخرط ملوخية شغل ايدك..الأيد البطالة نجسة
-و هو أصلاً حتي اللي بيشتغلوا ايداهم نجسة
و السنتين مروا بسرعة و حبيبتك خلصت و اتخرجت من الكلية و بتقدير
جيد جداً(( أشرب بقي ))يالهوووووووووووووي..اكيد يعني
جيد جدا البنات بتدح دح جامد جدا جدا اوووووووبس أنت كدة عندك مشكلتين
الاولي:أنك لغاية دلوقتي مش بتشتغل

التانية:أنك اكتشفت انك بتحب بنت عبقرية
و المصيبة الاكبر انها بعد ما اتخرجت قدمت علي وظيفة
و اشتغلت كمان وانت لسة زي ما انتو كمان عدي سنتين كمان
و انت زي ما انت علي نفس الوضع السؤال دلوقتي
-للأولاد-
1 _ لو حصل معاك الموقف بتاعي الأولاني..هتصرف ازاي؟؟ 2

_ لو اتخرجت بالسلامة من الكلية هتوقف الدنيا علي انك تشتغل بالليسانس او البكالويوس ؟؟ 3

_ هتحس بنقص من نحية حبيبتك انها اتخرجت و اشتغلت و انت لسة قاعد في البيت و كمان متخرجة بتقدير اعلي منك ؟؟؟

4 _ بعد القصة الطويلة المملة دي لو ضغطت عليك حبيبتك انك تقبل اي شغل هتقبل بعد ما سنين ضاعت من حياتك ؟؟؟؟
-البنات بقي-
1 _ بتستخدمي طريقة أختبار المشاعر دي..و تعملي فيها دكتورة تحليل ولا لا..؟؟

2 _ ممكن تنتظري حبيبك كل السنين دي بعد ما تكوني انتي اتخرجتي و اشتغلتي و هو زي ما هو ؟؟

3 _ هتحفظي علي شعور حبيبك ولا هتوجيه بالحقيقة انه انسان لا يعتمد عليه و ميصلحش زوج ليكي ؟؟؟

4 _ هل اهلك ممكن ييوفقوا انكم ترطبتوا او تتخطبوا لبعض و هو لسة مشتغلش ؟؟؟؟
و اشكركم انكم استحملتم التدوينة الغلسة
رايكم مهم انا مكتبتش ده كله لمامتي