يسقط يسقط حكم العسكر

June 20, 2007

Underwear تامر و ثقافة الـ


Underwear الـ
أو ما يطلق عليه بالعربية الملابس
كانت كل معلوماتى عن

Underwear الـ
انها ملابس
يرتديها الناس تحت ملابسهم الخارجية
وانها ليها وظائف كثيرة ومنها انها تمتص العرق..مثلاً
الى ان اكتشفت ان هناك ثقافة تهل علينا فى البلدان العربية
فى هذا الزمن و هى ثقافة

Underwear الـ
و اللى هيخلينى اتكلم فى الموضوع ده
ما حدث و هو كالأتى..
الحكاية بكل بساطة انى كنت بلعب لعبة الصراحة
مع بعض الاصدقاء..منهم من لا اعرفه ومنهم من هو صديقى
و بدأنا اللعب و الزجاجة حالفة متجيش عندى
وانا طبعاً فرحان بكدة
علشان مستريح من الأسئلة
و شوية كدة و جت الزجاجة عندى
و بنت هى اللى هتسألنى..مش اعرفها
قولت عادى..
أكيد هتسأل الأسئلة العادية اللى نعرفها..عادى يعنى
و ابتدت تسأل و قالت..
أنت بتلبس Underwear نوعه أيه؟
أندهشت..
أيه ده ومين البنت دى وازاى تسأل سؤال زى ده
المهم لما لاقتنى ساكت
كملت و فسرت السؤال وقالت..
يعنى قصدى بتفضل الـ

Underwear

البوكسر ولا العادى؟
لازلت فى دهشتى
قولت فى عقلى..أنا لو مجوبتش هتبقى البنت احرجتنى
و كسفتنى..و ابقى خسرت كيانى قدام الحاضرين..
طب ارد اقولها ايه دى؟
أستجمعت اعصابى و قولتلها..
يعنى هتفرق معاكى كتير؟
ردت وقالت..
اهاا ( بكل ثقة ) طبعاً تفرق كتير..
رديت و قولتلها..
بلبس بوكسر..فى حاجة تانية؟
بصيت لها كدة ولقيت عنيها سرحانة..
قولتلها بتهكم..
أيه مش مصدقة أقلع يعنى؟
أنا قولت خلاص انا كدة كسفتها
وهتحترم نفسها..
ردت رد غريب وقالت..
لا مش دلوقتى..
قولت لنفسى..يالهوى ايه البنت دى؟
رديت عليها وقولتلها..
مش دلوقتى!
قالت..هتعرف بعدين..
انا خلاص اعصابى باظت
مين البنت دى
وايه الجرأة دى..
الحوار ده انا تخيلت انه هيحصل
بعد ما تتفرج اى بنت على فيلم عمر وسلمى
طبعاً بعد ان تشاهد تامر الأمور بالبوكسر
فى اجزاء كبيرة من الفيلم
و كأنه بيعمل دعاية للبوكسرات
حقيقى..انا اللى اسمى ولد
كنت مكسوف من منظر تامر فى الفيلم
و مش عارف اذا كان البنات اللى بتحبه
فرحت بيه وهو معظم الفيلم واقف
Underwear بالـ
على العموم انا مش هنكر ان الفيلم
فيه ضحك جامد
لكن مش عارف الفيلم هيغير وجهة نظر الناس
فى تامر ولا لا؟
و يا ريتها جت على تامر بس..
لا دا فى مسابقة MR EGYPT ( فتى مصر)
كان بردوا الشباب طالع على المسرح بشورتات
مش عارف انا يعنى علشان يكون فتى مصر
يقف بالشورت على المسرح والناس تقعد تصوره
و المضحك انهم على رأى المحامى إبراهيم ألياس
فى برنامج الحقيقة للأستاذ وائل الأبراشى
قال..
دول عملين زى سوق العبيد فى القرون الوسطى
والله الراجل عنده حق
يعنى انا ممكن اقلع بلبوس و اروح اقف فى ميدان التحرير
وكدة هكون عملت انجاز تاريخى لمصر و المصرين!
دا غير بقى مسابقة MISS EGYPT
والمايوهات اللى كانت على المسرح
لا و اللى يغيظ..لما البنات يقفوا لبعض
واحدة تقول..يا امو مايوه قطعتين
والتانية ترد عليها يا امو مايوه قطعة واحدة..!
بجد حاجة تقرف
و اللى انا متوقعه بعد ما غزت ثقافة

Underwear الـ
ان هيطلع بكرة قرار من رئيس الجمهورية
بتعميم

Underwear الـ
فى انحاء البلد
و ان يكون البوكسر الزى الرسمى لرجال مصر
وان يكون المايوه البيكينى الزى الرسمى لنساء مصر
و نلاقى الوزير فى المؤتمر الصحفى لابس بوكسر
و الوزيرة لابسة قميص نوم..!
و بعد كدة يقولوا يا جماعة العالم بقى قرية صغيرة
و طبعاً مع قدوم الحر القارص على البلاد
النساء مش هتكتفى بقميص النوم فى المصالح الحكومية
و هطالب بحقها فى لبس قطعة واحدة زى الرجالة
و يتعمل مائدة مستديرة لبحث الموضوع
و كمان يناقش نقطة مهمة..
و هى هل القطعة الواحدة هتتلبس فوق ولا تحت..!
والله يا جماعة انا فاض بيا من اللى بشوفه
و بسمعه فى البلد دى
وانهاردة بوكسر تامر هيبقى موضة
مش عارف بعد كدة ايه هيبقى موضة..!
و ربنا ما يفضحنا بملابسنا الداخلية
قصدى
Underwear الـ

5 comment:

Unknown said...

مش عارفه اقولك ايه
فكرتنى بنكته ليها علاقة بالاندر وير
(بنوتة صغيرة حبت تروح ملاهى العيدوتركب المراجيح ومامتها مش موافقة فلما سألتها عن عدم رفضها قالتلها علشان الاندر وير بتاعك ميبانش فالبنت فكرت وراحت المراجيح ولما مامتها سالتها كنتى فين البنت ردت وقالتلها ركبت المراجيح قالتلها والاندر وير بتاعك بان قالتلها لأ طبعا منا قلعته)
هى كانت نكتة زمان بتدل على السذاجة بس دلوقتى بقم بيقلعوه فعلا علشان ميبانش ..عيب تبان حدوده من
البنطلون الشفاف
متحطش ف بالك علشان متتعبشى

Unknown said...

النكتة بجد فقر اوى و خير تعليق على الموضوع
المشكلة اننا نوافق على كدة
و بعدين لازم كلنا نحط فى بالنا
علشان احنا عايشين علشان نعمر الارض
مش نفسد فيها
مش كدة ولا ايه؟
شرفتينى بزيارتك يا دودوش

Unknown said...

موضوع جامد يا ايجو بجد تسلم ايدك يا ماااااااان

Unknown said...

ربنا يخليك يا رايدل
و ميجيش حاجة جنب كتاباتك
تسلملى زيارة يا باشا

اٍبتسامة القمر said...

الموضوع حلو بس يكسف
ومش معقول مفيش حياء للدرجادى
عمتا ابقى خالى بالك انت قاعد مع مين
ولو قدرت تعدل غلط يكون افضل من انك
تساهم فيه