يسقط يسقط حكم العسكر

October 5, 2007

أحلى عيد ميلاد فى عمرى

كان الاتفاق منذ اسبوع او اكثر..
شريف قال انتم هتفطروا عندى يوم اختاروا اليوم و بلغونى
بدأت المفاوضات
علاء..احنا هنفطر عند شريف فى البيت..
محمد..ايوة يابنى.
علاء..طب ما نفطر برا احسن.
محمد..تصدق فكرة.
انا..نفطر فى مؤمن او كوك دور.
شريف..لا هتفطروا عندى انا كلمت ماما
و حضرت كل حاجة ممكن بعد الفطار ننزل.
محدش رد عليه
واخذ كل منا يفكر..و يقول انا فاضى يوم ايه؟
قالوا يوم التلات..
شريف قال انا مش فاضى التلات عندى كورس.
قالوا طب الاربع..
ابراهيم قال انا مسافر الاربع اسكندرية.
تانى يوم..
قالوا طب بكرة الاتنين..علشان ابراهيم.
شريف قال خلاص انا قولت لماما على يوم الاربع.
و جه يوم التلات..
انت جاى يا علاء؟
لا انا معزوم عند خالتى.
انت مسافر امتى يا ابرهيم؟
مسافر الاربع الصبح
شريف قال خلاص
الاربع بقى وخلاص.
يوم الاربع..
انا و محمد و شريف اللى هنفطر مع بعض بس
كل الناس اعتزرت.
يوم الاربع بعد ما روحنا الكلية روحنا مع شريف
شريف قال هننزل وسط البلد نجيب حاجة
قولنا اوكات
خرجنا من الجامعة و ركبنا من العباسية لرمسيس
ركبنا مينى باص و لميت الاجرة من الناس..
16 جنيه فى 16 راكب
و المفاجأة اننا مدفعناش..
و لا اوصف لكم كمية الضحك و التهيس
و اقول لشريف و محمد اهى شغلانة تنفع بعد ما اتخرج
شاب بيسألنى الاجرة كام؟
قلتله خمسة جنيه..البنت اللى جانبه ضحكت
قلتله خلاص هات جنيه و نص
قالى انتوا بتلموا حق تذاكركوا
خدت منه اتنين جنيه هو والبنت اللة معاه
لميت ال 16 جنيه و قولت لشريف انا هنزل بقى عايز حاجة
هههههههههههههه
بعت ال 16 و بعديها بسأل شريف
انت دفعت لينا ؟
قالى لا
قولتله وانا كمان مدفعتش
و نضحك..فطرنا اليوم ده ضحك
الراجل بيقولى ناقص 9 مدفعوش
قولتله انا مديك 16 هو المينى باص كله
على بعضه كام اصلا؟
طلعت تلاتة جنيه و دفعت لينا
الراجل بقى شاكك فيا
قلتله ثبت الناس و كل واحد يطلع تذكرته
خلى الناس تطلع تذكرها
ههههههههههههههههه
وصلنا رمسيس و مش قادرين ننزل من كتر الضحك
مشينا لوسط البلد
لغاية العبد كدة
دخل شريف قال هجيب حاجة
خرج تانى وقال تعالوا نقوا تورتة علشان انا مش عارف
قلتله يعنى لازم تورتة مش ينفع جاتوه
قالى اصل ماما عيد ميلادها كمان يومين و هى مسافرة
قولت نحتفل بيه كلنا انهاردة
قولتله ماشى
قولتله الرينج كام..وقالى
قولتله دى كويسة
قعدنا ندور على حد يحطها فى العلبة
شريف يقولهم اخدها فى ايدى و امشى
هههههههههه
لفوا التورتة و خرجنا ركبنا تاكسى
لشبرا عند شريف
مش مبطلين ضحك بردوا
وصلنا عند شريف
دخلنا لقينا خال شريف بيلعب جيمز على الكمبيوتر
ههههههههههه
سلمنا و اتوضينا و صلينا العصر
شوية و المغرب اذن
قعدنا على السفرة نفطر
مش قدرين ناكل من كتر الضحك
ضحك متواصل
خال شريف مهيس واحنا مهيسين
شريف قال ادعوا قبل ما تفطروا
قولتله يا رب يا شريف تجوز (اسم بنت )
قالى لا..
قولتلها خلاص الدعوة استجابت
ههههههههههههه
ضحك و اكل لمدة عشر دقايق كدة
بعدين دخلنا قوضة شريف
وقعدنا نلعب فيفا 2007
و خال شريف معانا
شوية كدة و شريف خرج
بعديه خال شريف
وانا و محمد سيبنا الفيفا و قعدنا نكلم فى حوار كدة
و اندمجت انا بقى
ههههههههه
لقيت اغنية happy birthday
بتشتغل قولت لمحمد ايه اللى هو حطه ده
و لسة هغير لقيت محمد مسك ايدى
و لقيت خال شريف طفى النور
و نور الكورة بتاعت الديسكو
و شريف داخل بالتورتة و بيقولى
كل سنة وانت طيب يا احمد
انا فى حالة زهول...هو مش عيد ميلاد مامتك؟
زهوووووووول
وانت طيب يا شريف
ماشى بقى انت عارف يا محمد و تخبى عليا
يعنى كنتوا بتشتغلونى
محمد قالى كل سنة وانت طيب و خال شريف
وانا لسة مزهووووووووووووول
هو فى ايه؟
شريف..طفى الشمع ياحمد و اتمنى امنية فى سرك
اصورنا
و شريف قالى تعالى قطع التورتة
قطعتها بفن و حرفنة زى ما هتشوفوا فى الفيديو
اشتغلت اغنية تحفة فى الصب
احمممممممممممممممممممممممممممممممد
اغنية زهلتنى
كلنا و شربنا الكولا
قولت لشريف بابك فين مش هياكل
قالى بابا مش بياكل الشيكولاتة..
مع انى سألته فى البيت عندك بيكلوا ايه؟
قالى اى حاجة..
بصيتله كدة و سكت
قالى بابا هيدخل يقولك كل سنة وانت طيب
قوله يكول تورتة بقى
دخل بابا شريف
قالى كل سنة وانت طيب
قولتله لازم تاكل من الترتة يا عمو
قالى طبعا هاكول
كسفنى..ماشى يا شريف
قالى بس مش كتير علشان الدوا وكدة
شريف قال لبابه اننا هنخرج
قاله ماشى
و نزلنا روحنا اركاديا و اتمشينى على الكورنيش
لغاية عبد المنعم رياض
و بعد كدة شريف روح و انا ومحمد روحنا
وكان احلى عيد ميلاد فى حياتى
انا فرحان بيه اوووووووووووى
و جبتلكم الصور و الاغنية كمان
و يارب اكون السنة الجاية معاكم يا اصحابى
و نفضل اصحاب على طول
حقيقى الدنيا مش حلوة من غير اصدقاء
ربنا يخليهم و يخليكوا ليا






شريف مع التورتة


شريف ومحمد

شريف و محمد بيستهبل

انا و شريف

التورتة بعد التقطيعمحمد
بيقولى تاخد حتة؟ الفيفا
خال شريف

انا و شريف والتورتة
انا و محمد و التورتة
انا و محمد
التورتة

كرة الديسكو

التورتة
التورتة تانى
التورتة تالت

التورتة رابع
وكل سنة وانا طيب والسنة الجاية يكون الحال احسن

11 comment:

AsSeM said...

كل سنة وانت طيب ياحبى
والسنة الجاية بقى نبقى نحتفل بية مع بعض وانت الى تعزمنى .. هع هع
وبأذن الله يبقى احلى عيد ميلاد فعمرك سيزون 2 :]

Anonymous said...

كل سنة وانت طيب يا كوتي
سيبك انت عيد ميلادي كان احلى :)

عارف انت اتبسطت اوي في العيد ميلاد**
ده علشان كان معمولك مفاجأة
يمكن لو كنت تعرف قبليها ماكانش هيبقى "احلى عيد ميلاد في عمري"زي ما انت كاتب كدة..

كل سنة وانت طيب يا كوتي والسنة الجاية تبقى احلى من اللي فاتت

samira said...

كل سنه وانت طيب يا احمد

وبجد يا بختك يعنى حاجه جميله خالص وشعور جميل من اصحابك ومفاجاه انا معاك انها تحفه

وربنا يجعل ايامك كلها سعيده كده دايما ان شاء الله

MadYAdeL said...

AsSeM said...
كل سنة وانت طيب ياحبى
والسنة الجاية بقى نبقى نحتفل بية مع بعض وانت الى تعزمنى .. هع هع
وبأذن الله يبقى احلى عيد ميلاد فعمرك سيزون 2 :]
......................
ربنا يخليك ليا يا عاصم
ويارب نفضل اصحاب واخوات ديما
والسنة الجاية هيكون العيد ميلاد
عندك
هههههههههههههه

MadYAdeL said...

mero said...
كل سنة وانت طيب يا كوتي
سيبك انت عيد ميلادي كان احلى :)

عارف انت اتبسطت اوي في العيد ميلاد**
ده علشان كان معمولك مفاجأة
يمكن لو كنت تعرف قبليها ماكانش هيبقى "احلى عيد ميلاد في عمري"زي ما انت كاتب كدة..

كل سنة وانت طيب يا كوتي والسنة الجاية تبقى احلى من اللي فاتت
...............
انتى خايفة تكتبى اسمك؟
هههههههههههه
متخفيش امن الدولة بس اللى
بيراقب المدونة
ههههههههههههههههه
طبعا السبوع اللى عملتهولى
كان خطير
ههههههههه
ربنا ما يحرمنى منك يا ميرو

MadYAdeL said...

samira said...
كل سنه وانت طيب يا احمد

وبجد يا بختك يعنى حاجه جميله خالص وشعور جميل من اصحابك ومفاجاه انا معاك انها تحفه

وربنا يجعل ايامك كلها سعيده كده دايما ان شاء الله
..............
وانتى طيبة يا سميرة
الواحد عرف معنى الصداقة
الصاحب بيتعرف فى المواقف
السنة الجاية اكون مجوز سولى
ههههههههههههه

أحمد عبد الفتاح said...

كل سنة وانت طيب ياريس
وعقبال 100 تورتة

MadYAdeL said...

أحمد عبد الفتاح said...
كل سنة وانت طيب ياريس
وعقبال 100 تورتة
...............
وانت طيب يا احمد باشا
و السنة الجاية كدة
تكون رئيس جمهورية
من جمهوريات الأتحاد السوفيتى
:D

عاشقة القمر said...

كل سنة وانت طيب يا كوتي .. طبعا متأخرة مووت اساسا بس انا قلتها قبل كده ..
انا كمان اتعملي السنة اللي فاتت عيد ميلاد فجأة كده .. اكيد طبعا عارف مين اللي عمله .. ميرو حبيبتي .. بس الفجأة عندي انا كانت في بيتنا مش انا اللي روحت لا هي اللي جابتلي كل الناس لعندي .. فعلا بيبقى حاجة تانية اما يبقى الواد معموله عيد ميلاد كده وهو اخر من يعلم فيه ..

عاشقة القمر said...

* الواحد مش الواد :D

اٍبتسامة القمر said...

كل سنه وانت طيوب
بس لما حكتلى العيد ميلاد ده
واحنا فى الجامعه كنت بتوصفه بنفس
الفرحه اللى فى الموضوه
وكمان وقفت تحكى اللى حصلك فى اليوم ده للى رايح واللى راجع
فاكر ؟
كل سنه وانت طيب..