يسقط يسقط حكم العسكر

September 9, 2008

!نجيبه منين؟

!نجيبه منين؟
سأل ا /مجدى الجلاد فى المصرى اليوم عن الأنتماء الوطنى عند المصريين
فى سلسة مقالاته اواخر شهر اغسطس و اللى كان عنوانها..
قضية أمن قومي..! و
قضية أمن قومي «٢»و
قضية أمن قومي (٣) و
قضية أمن قومي (٤) و
قضية أمن قومي «٥»
وانا بقرا المقالات دى كنت قاعد اقول نجيبه منين نجيبه منين
ايوة هو الأنتماء للبلد دى نجيبه منين
بلد بتدى ولاده بالرجل وبترميهم فى البحر
بلد كل حاجة فيها بطوابير
العيش و الحديد والأسمنت و البنزين والنت اه والله والنت
روحت ادفع اشترك النت وقفت فى طابور
لا كرسى ولا مروحة ولا اى حاجة و كان كله بيقول بلد طوابير صحيح
!نجيبه منين الأنتماء؟
بعد حادثة قطر الصعيد
!نجيبه منين الأنتماء؟
بعد حريق قصر الثقافة فى بنى سويف
!نجيبه منين الأنتماء؟
بعد غرق العبارة وبراءة ممدوح اسماعيل
!نجيبه منين الأنتماء؟
بعد حادث قطر مطروح و اللى بيقوله عليه مزلقان
وهو يفتقد اصلا لمعنى كلمة مزلقان
انا عديت عليه وانا رايح مطروح
والله ما مزلقان ولا حاجة دا شريط القطر معدى الطريق السريع
و انت راكب العربية بتلاقى منحدر شديد بعدين تلاقى قدامك بمتر شريط القطر
!نجيبه منين الأنتماء؟
و احمد عز معزز مكرم وهو طالع واكل نازل واكل ومفيش حاسيب ولا رقيب
!نجيبه منين الأنتماء؟
واحنا بنحلم بشقة اربع حيطان نتلم فيهم لما نجوز
و اعلانات شقق الأسكان الفاخر ليل ونهار فى كل مكان
!نجيبه منين الأنتماء؟
و احنا مش عارفين لما مبارك يغور فى ستين الف داهية يموت مين هيبقى رئيس البلد دى
!نجيبه منين الأنتماء؟
واحنا مش عارفين مستقبلنا فى البلد دى هيكون تحت الانقاض فى الدويقة
ولا فى البحر مع العبارة
ولا فى قسم بنتعذب
ولا فى مظاهرة فى المحلة ينضرب رصاص علينا نموت
!نجيبه منين الأنتماء؟
حد يقول نجيبه منين
حتى لو فى اسرائيل نروح ونجيبه
!بس نعرف هو فين
اضحك معايا : بابا كان بيسمع الراديو فيه ماتش
فبسأله بقول مين بيلعب قالى : مصر
حسيت انى اول مرة اسمع الأسم ده
و قعدت اقول لماما
مصر مصر مصر
انا سمعت الأسم ده فين قبل كدة
:D

2 comment:

afuoneyiat said...

من عند البقال اللي فاتح في الحزب الوطني الديمقراطي

Unknown said...

اذا كان الحزب الوطنى بقياداته
لا عندهم وطنية ولا الحزب وطنى اصلا
فاقد الشئ لا يعطيه
!مش كدة ولا ايه؟
:D