يسقط يسقط حكم العسكر

November 10, 2008

والله انا بحبك


بعيد عن مبارك وحريق حزب الغد
ومؤتمر الحزب الوطنى و كلامى فى السياسة
اللى محسسنى انى زعيم الأمة بين اصحابى
بعيد عن خوف اصحابى عليا لتحبس
انا عملت التدوينة دى علشان اقولك
انا والله العظيم بحبك ومقدرش استغنى عنك
و عارف انتى قد ايه بتحبينى
أطمنى يا حبيبتى
مفيش غيرك شاغل بالى
مفيش غير واحدة بس وانتى عارفها
ايووووووووة انجلينا جولى :)
ربنا ما يحرمنى منك ابدا
وتفضلى ديماً حبيبتى

4 comment:

كراكيب said...

يا عمممممممممم ;)

طيب الله يخليك قولها بقى تبطل رغي في التليفون علشان انا مش عارفة اوصلها
هه

;)

miro el niro kwaniro

وخف شوية يا كوتي كوتي وسيب ريسنا ف حاله شوية النت ليه ودان.. واللا انت عايز نهايتك تبقى فين بالظبط؟؟

مصطفى محمود said...

صباح الفل!

انا اول مرة اشوف مدونتك وعجبنى فيها التظبيط والشغل التقنى جدا ...والله شىء يفرح ان فى شباب فى السن دة وبيتعامل مع النت بالبراعة دى ...هو انا مش عارف انت من 6 ابريل ولا لاء لانى اعرف معظمهم ..بس ان شاء الله ممكن نتعرف فى اى فعالية جاية .

تحياتى يامعلم

DOLA said...

to miro el niro kwaniro :
يا ريته هو يسبنا نشوف حالنا
واذا كان على نهايتى فهى هتكون زى اى نهاية
يا اما البوليس يجى يقبض عليا فى اخر الفيلم
يا اما وانا ببوس البطلة
و البطلة اكيد هى مصر
:P

DOLA said...

to مصطفى محمود :
صباح النسكافيه يا معلم
يا رب متكونش دى اخر مرة تشوف المدونة
و شكرا على زوقك وكلامك الحلو ده
انا من الأغلبية الصامتة فى شباب 6 ابريل
:D
و دى حاجة تسعدنى انى اتعرف عليك

سلاماتى يا باشا
;)