يسقط يسقط حكم العسكر

December 16, 2008

جزمتك.. أختصرت الكثير

!ياااااااااااااااااااااااااااااااااااااااااه
صدق اللى قال
داين تدان
مفيش حد كبير فى الدنيا دى..مفيش دولة عظمة..مفيش عظمة غير لله
مش ده جورج دابليو بوش؟
رئيس الولايات المتحدة الأمريكية..اللى بيقولوا عليها دولة عظمة؟
سبحان الله .. فينك دلوقتى يا صدام..يا ترى انت شبعان ولا رمضان
!حد كان يتجرئ انه يتخيل المشهد ده؟
فى كاتب من كتاب السيناريو ممكن تجيله الجرئة يكتب المشهد ده؟
حقيقى الحدث تاريخى .. لأن جورج بوش رئيس تاريخى للولايات المتحدة الامريكية
يكفيه انه اول رئيس أمريكى يتحدف بالجذمة
قدام مليارات البشر ..و كأن ربنا بياخد ثأر صدام
و اذا كان حدف بوش بالجذمة لا يليق.. فقتل الملايين فى العراق أيضاً لا يليق
ايهما اشد تجريماً.. قتل ام رشق بالحذاء؟
يا كل الحكام العرب
عليكم ان تغاروا من منتظر الزيدى
لأنه ارجل من اى واحد منكم
لأن ضفره برقبتكم
بس الحق يقال : ان مبارك سبق فى انه ياخد موقف من بوش
سجل التاريخ لمبارك انه لم يذهب لأمريكا منذ تنصيب بوش
سجل التاريخ رفض مبارك استقبال او توديع بوش
فى زيارته الاخيرة لمصر
لكن برده التاريخ سجل لمبارك حجات كتير اوى..مش وقتها تتقال دلوقتى
الله يرفع روحك المعنوية يا منتظر و يرحمك
زى ما رفعت روحنا المعنوية والمادية والمعدنية و المعوية
شكراً .. منتظر

bush shoe game

0 comment: