في وسط الاحتفال بذكري ايام ما كنا رجالة و وقفنا وقفة رجالة (وقفة بجد مش زي الوقفة مصرية لتحديد النسل) سؤال سألته لنفسي و جائتني الأجابة في لحظة تاريخية ( كنت في الحمام ) ايه هو السبب اللى مخلي الدولة تسيب سيناء صحرا كل الفترة دي, و احنا ليه اصلا حاربنا و جبناها طالمة مش عارفين قيمتها, طب اللى حاربوا كانوا عارفين قيمتها علشان كدة حاربوا و استشهدوا و اتصابوا في سبيل الله و سبيل عودة سيناء
طب ما الرئيس مبارك لا اطال الله في عمره كان قائد القوات الجوية و هو اللى نسبت له اول طلعة جوية قفلت باب الحرية, طب ليه مبارك ساب سيناء صحرا؟ غريب امر هذا الرجل اجهد نفسه و ساب مراته و عياله ايام الحرب و قعد في مقر القوات الجوية لمتابعة الاحداث ع الجبهة و لما تولي قيادة البلد ( مع انه معاه رخصة قيادة مزورة و مبيعرفش يسوق ) مقدمش اي جديد لسيناء, طب هو حب يحافظ علي سيناء صحرا فاضية علشان الحرب الجاية تكون لسة الدنيا واسعة و الدبابات الاسرائيلية توصل لعمق سيناء بسرعة, ولا هو خايف يعمر سيناء و اسرائيل تخربها, لا احد يعرف السبب الحقيقي لعدم تعمير سيناء حتي الآن
و لن تجد الأجابة في سلاح التلميذ او الأضواء و لن تجدها ايضاً في كتاب الوزارة لن الحكاية بكل بساطة إن سيناء " خارج المنهج " و مش محطوطة في الحسبان و كأننا دخلنا الحرب تأدية واجب و اتفجأنا ان سينا رجعت كاملة لينا و مصر اليوم في مليون خيبة.. ربنا يستر عليكم و علينا
1 comment:
مصر فى مهب الريح
فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 – العدالة الاجتماعية .. وأطفال الشوارع والذين يملكون كل شىء .
5 – ضرورة الاتحاد مع السودان لتوفير الغذاء وحماية الأمن القومى المصرى.
6 – رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
لمزيد من التفاصيل أذهب إلى مقالات ثقافة الهزيمة بالرابط التالى
www.ouregypt.us
Post a Comment