حالة من الهلع و الرعب اللا منطقى من المرض اللذى يطلق عليه خطأ اسم.. انفلونزا الخنزير
شائعات و تقارير و منظمة الصحة تقريرها بتتفسر غلط و الواحد مبقاش عارف هى التقارير الصادرة عن منظمة الصحة العالمية واضحة واحنا اللى بنفهمها غلط ولا هما قاصدين اننا نفهم غلط.. قريت خبر فى موقع اليوم السابع عن ان الحكومة بتنوى غلق مترو الانفاق او تقليل عدد الركاب و بعيداً عن مدى ثقتى فى موقع اليوم السابع لكنى بأخذ منه الأخبار على طريقة.. صدق او لا تصدق
الناس خايفة من الأنفلونزا العبيطة دى مع ان عدد ضحايا الانفلونزا العادية يقدر بـ 500 الف شخص سنوياً
و فى مصر لم تسجل حالة وفاة حتى الآن بمرض انفلونزا الخنازير و عدد الاصابات مش كتير و غير كدة اذا كان لابد من حالة الرعب والهلع دى فالمفروض اننا نخاف من الفساد اللى استشرى فى مصر لأن الفساد بيقتل المئات يومياً فى مصر نتيجة الاهمال و السرقة يعنى شوف كدة كام واخد مات بسبب انه وقع فى بلاعة صرف صحى وكام واحد مات متكهرب من عمود النور وكام واحد مات فى العبارة السلام 98 فى ساعات محدوة مات 1400 شخص و كوارث كتير بتحصل فى مصر بيكون عدد الضحايا فيها كبير
ليه بقى القلق من فيروس عبيط كدة
لا داعى لكل الهيصة دى يا جماعة عيشوا حياتكم عادى و اسمعوا كلام وزارة الصحة ده
تنصح وزارة الصحة المواطنين المصريين باستمرار حياتهم الطبيعية دون ذعر أو هلع، مع الالتزام التام بإجراءات وقواعد النظافة الشخصية والعامة، مع ضرورة مراعاة
غسل الأيدى بالماء والصابون باستمرار*
تغطية الأنف والفم أثناء الكحة والعطس*
التهوية الجيدة فى المواصلات العامة وفى أماكن المعيشة*
تجنب الأماكن المزدحمة سيئة التهوية*
غسل الأيدى بالماء والصابون باستمرار*
تغطية الأنف والفم أثناء الكحة والعطس*
التهوية الجيدة فى المواصلات العامة وفى أماكن المعيشة*
تجنب الأماكن المزدحمة سيئة التهوية*
استشارة الطبيب المختص وملازمة المنزل عند الشعور بأعراض الأنفلونزا*
0 comment:
Post a Comment