يسقط يسقط حكم العسكر

February 26, 2009

الذكرى السنوية الأولى لموبايلى المسروق

ذكرى الموبايل تدوم للأبد
الذكرى السنوية الأولى لموبايلى المسروق
Motorola V3i Pink
سيرتك العطرة نذكرها بالذهاب لحنة هانى ابن خالتى
و عايز اقولك انك وحشتنى اوى و مش هقدر انسى جمايلك عليا
و انت عشت معايا ايام قليلة من اول شهر اكتوبر لشهر فبراير
بس كانت من احلى الايام اللى عشتها
لن ننساك لن ننساك لن ننساك
كلنا بنفتكرك بالخير
ميمو و شيرو و هيما و بانى
و كل البنات فى الجامعة دايماً بيفتكروك بالخير
انا مكنتش عايز اشترى موبايل من بعدك
لكن سامحنى العدة ال نوكيا 3100 بقى فيها عيب شبكة
و بستخدمها دلوقتى منبه والة حاسبة و كشاف
و انا دلوقتى مستلف عدة و اصيلة زيك على فكرة
لكن هشترى موبايل جديد واتمنى انك متكونش زعلان منى
المخلص لك الى الابد
صاحبك

0 comment: